Ibn maryam howa kere koi

 

ابن مریم ہوا کرے کوئی

میرے دکھ کی دوا کرے کوئی

شرع و آئین پر مدار سہی

ایسے قاتل کا کیا کرے کوئی

چال جیسے کڑی کمان کا تیر

دل میں ایسے کے جا کرے کوئی

بات پر واں زبان کٹتی ہے

وہ کہیں اور سنا کرے کوئی

بک رہا ہوں جنوں میں کیا کیا کچھ

کچھ نہ سمجھے خدا کرے کوئی

نہ سنو گر برا کہے کوئی

نہ کہو گر برا کرے کوئی

روک لو گر غلط چلے کوئی

بخش دو گر خطا کرے کوئی

کون ہے جو نہیں ہے حاجت مند

کس کی حاجت روا کرے کوئی

کیا کیا خضر نے سکندر سے

اب کسے رہنما کرے کوئی

جب توقع ہی اٹھ گئی غالبؔ

کیوں کسی کا گلہ کرے کوئی

Ibn maryam howa kere koi

mere dukh ki dawa kere koi
shara o aeen par madaar sahi
aisay qaatil ka kya kere koi
chaal jaisay kari kamaan ka teer
dil mein aisay ke ja kere koi
baat par wahn zabaan kat’ti hai
woh kahin aur suna kere koi
buk raha hon junoo mein kya kya kuch
kuch nah samjhay kkhuda kere koi
nah suno gir bura kahe koi
nah kaho gir bura kere ko
irokkk lau gir ghalat chalay koi

bakhash do gir khata kere koi
kon hai jo nahi hai haajat mand

kis ki haajat rava kere koi

kya kya khizar ne Sikandar se
ab kisay rehnuma kere koi
jab tawaqqa hi uth gayi ghalib
kyun kisi ka gilah kere koi

Mirza Ghalib