Umar jalwon mein busr ho yeh zurori to nahi

عمر جلووں میں بسر ہو یہ ضروری تو نہیں

ہر شب غم کی سحر ہو یہ ضروری تو نہیں

چشم ساقی سے پیو یا لب ساغر سے پیو

بے خودی آٹھوں پہر ہو یہ ضروری تو نہیں

نیند تو درد کے بستر پہ بھی آ سکتی ہے

ان کی آغوش میں سر ہو یہ ضروری تو نہیں

شیخ کرتا تو ہے مسجد میں خدا کو سجدے

اس کے سجدوں میں اثر ہو یہ ضروری تو نہیں

سب کی نظروں میں ہو ساقی یہ ضروری ہے مگر

سب پہ ساقی کی نظر ہو یہ ضروری تو نہیں

خاموش غازی پوری

Umar jalwon mein busr ho yeh zurori to nahi

har shab gham ki sehar ho yeh zurori to nahi


chasham saqi se piyo ya lab saghar se piyo

be khudi aathon pehar ho yeh zurori to nahi


neend to dard ke bistar pay bhi aa sakti hai

un ki agosh mein sir ho yeh zurori to nahi


Sheikh karta to hai masjid mein kkhuda ko sjday

is ke sajdon mein asr ho yeh zurori to nahi


sab ki nazron mein ho saqi yeh zurori hai magar

sab pay saqi ki nazar ho yeh zurori to nahi

khamosh ghazi poori